how are you????

18 octobre 2005

sibouih

Photo de sibouih

sibouih abdellaziz

+21270582863

Posté par sibouih à 17:05 - Commentaires [0] - Permalien [#]


sibouih

Photo de sibouih

sibouih abdellaziz

+21270582863

Posté par sibouih à 17:04 - Commentaires [0] - Permalien [#]

waw

Get it now!

Posté par sibouih à 16:58 - Commentaires [0] - Permalien [#]

agadir

Agadir

sibouih

Posté par sibouih à 16:55 - Commentaires [0] - Permalien [#]

agadir

sibouiih

Posté par sibouih à 16:53 - Commentaires [1] - Permalien [#]


agadir

Agadir

sibouih abdellaziz

Posté par sibouih à 16:49 - Commentaires [0] - Permalien [#]

agadir

Oasis de montagne

sibouih

Posté par sibouih à 16:47 - Commentaires [0] - Permalien [#]

agadir

Oasis de montagne

Posté par sibouih à 16:46 - Commentaires [0] - Permalien [#]

Agadir

Fin de journée

Posté par sibouih à 16:45 - Commentaires [0] - Permalien [#]

mohmad albensir

ALBENSIR
(Damsiri)

tamazight | français | English

Albensir yega yan gh inemghuren n rrwayes lli izêra Sus, negh akw Merrok, g tigariwin ad. Illul gh Tmsult gh uqbil n Ilbensiren gh useggwas n 1937. Mad yad ikka timezgida, ikes ulli, zun d akw ineggwa nnes, ittut s umarg. Lligh ar en ittimghur s imik, yufan ixef nnes izdâr ad ittengidi d indâmen n uhêwac, mkan nnit af d ittfugh ar ittendâm gh usays n usun. Ur izri yat s igh idda ikcem, afad yisin i Rribab lli yegan yat gh tmatarin n tmagit n Rrays, s trabbut n Hêmad Amentag d tin Wahruc.

Mad yad izzri yan krâd iseggwasen d trubba yad, idda s Lalman yilin gis zegh 1961 ar 1964, maca yusi ids tagezzayt n umarg, ur tin tesmyur tudert n uzwag. Yurri d ilemma s Merrok ikcem i tirruysa, isti ad gisent isker tudert nnes d twuri. Zegh 1965 ad isat ar d iseffagh tisfifin. Mekli yega anedâm ar isenmili awal, ur ikki yat s igh yega Rrays ittuyassanen, isker adghar nnes gh ubaraz n ayt umarg. Ar ittek timizar d temdinin lligh llan Icelhîyen, ar izray gh lidaàa. Afella wawal, yega Rrays Muhâmmad Albensir, negh Damsiri lli yas ttaran gh iggi n tesfifin llid issffugh. Maca, gh useggwas n 1969 tfelt tdusi nnes. Lligh idda ad ikk darsen, idêren s Tumubil, irêz, ighwi talkrusat. Mqqar yeg abidâr, ur ibdî d umarg. Idêfr tagharast nnes, yacki d akw izedgh gh Tgemmi Tumlilt, tamdint lligh gguten Icelhîyen. Mqqar yurar zun d akw wiyyâd tayri d tmukrisin n tudert, Albensir izêli, nger akw Rrways n tasut nnes, s turarin lli isker f tmukrisin mqqurnin n tsertit d tmagit, zun d tin usurs n tmazight, tin ugren, d temzgida n Tgemmi Tumlilt.

Addad ad ad ifkan i Albensir yan udem izêlin, ad t igan d Albensir. Lligh issen mas yeg amezwag n umarg lligh t tfel tdusi nnes, immagh ad as ifek atig, at isseffagh gh usurs mezzîyen lligh ran ad t gen inebâden n tmazirt. Is ur inni:

Rebbi zzayd làezz i tcelhîyt
Nettat as ligh atig innagh sawlegh

Mac atig ad ur n izri iwetta n illigh isawal d willi s isawal, acku tanebâdt ur tefki atig nnes i tcelhîyt. Nettat nnit izêra ixef nnes. Is ur yurar, zun d akw wiyyâd, addur n tgeldit, d tmurt, is ur inni mas yeg yan gh iserdâsen n tmazirt, d tirsal nnes, mac ur t gis yiwi yan, ur t izêri yan, ur as inni yan yat, ttunt, rurent f tesga, zêlin as tamettant zun d igh immut uydi gh umedduz. Is ur izêri mas d lidaàa ar sul tzâlla ghas s Abdelhalim, d Um Keltum, d Abdelwahab, izêra kullu mayad:

Men wâhd ustin a nttemjjad agellid
Ullah amk izdâr ad ax ifek mqqar d lebcklîd

Mqqar d mayan, ur ibêdi d umarg, ur ibêdi d wawal lligh t ittaru, iserfufent. Issen is is ur ili atig dar tenbâdt, mac ilat is dar winnes, willif d ilul, willis isawal, issar idsen tama immimen, mqqar tmrret. Addad ad iceqqan irzêm d i kigan n tmmariwin f Rrays, izêra sis talekkawt n inebâden, ikka aghzu lligh yurar f tmukrist n ugguren gh useggwas n 1982, tamettant ka at ikksen i tayyâd lligh yurar f tadêsa n temzgida mqquren.

Albesnir isker timidî n tesfifin, immut ass n 11 nuwanbir gh useggwas n 1989 gh Tgemmi Tumlilt.

                                                                sibouih abdellaziz

Posté par sibouih à 16:39 - Commentaires [0] - Permalien [#]